له‌ به‌شێكى دیكه‌ى سه‌ردانه‌كه‌یدا بۆ ئه‌مه‌ریكا به‌رێز مه‌سعوود بارزانى سه‌رۆكى هه‌ریَمى كوردستان
سه‌ردانى سه‌نته‌رى نێوده‌وڵه‌تى بۆ لێكۆڵینه‌وه‌ ستراتیژییه‌كان كرد و له‌ لایه‌ن بۆردى به‌رێوه‌بردنى سه‌نته‌ره‌كه‌وه‌ پێشوازی لێكرا.

دواتر بابه‌تێكى سیاسی پێشكه‌ش به‌ سه‌رۆك و ئه‌ندامانى بۆردى سه‌نته‌ره‌كه‌ كرد و تیاشیدا پانۆراماى سیاسی له‌ عێراق و هه‌رێمى كوردستان روون كرده‌وه‌ و بارودۆخ و كێشه‌ و ئاڵۆزییه‌ سیاسییه‌كانى عێراق و چۆنێتى چاره‌سه‌ركردنیانیشی شیكرده‌وه‌ .

سه‌باره‌ت به‌ هه‌رێمى كوردستانیش سه‌رۆك بارزانى له‌ سه‌قامگیرى سیاسی و گه‌شاوه‌یی ئابوورى هه‌رێم دوا و هیواشی خواست له‌ چوارچێوه‌ى عێراقێكى فیدراڵ و دیموكرات و فره‌ییدا به‌ هاوكاری دۆستانمان هه‌رێم به‌ره‌و پێش بڕوات.